(©Linard Bardill 2000)

Han i mit der Frau Petrell
Burge baut im Sand,
han re gseit: He du verzell,
dsä Neuschte us em blaue Wunderland!
d'Frau Petrell hät überleit und gseit:

Vom Gimil und vom Doppelhas,
vom Brummbär Belltrametti,
gäbtis scho no dies und das,
wo n i z'verzelle hätti.
Zum Bispil vo der lange Reis,
uf den Adler'lügel.
Drizehn Stund, so viel i weiss,
über Tal und Hügel.
Zum Bispil vo dem gelbe Ding,
üer em Gebüsch,
s'flügt so wie ne Schmetterling,
ob das ächt gfärlich isch?
Zum Bispil vo der Gfohr im Wald,
wo ds'Gänsli hät vergässe.
Jetzt spinnt's und gurglet's, lacht und lallt
Wil's Flügepilz hät gässe.
Zum Bispil vo de Stei im Bach,
der Has isch nass uf d'Knoche,
der Bär, de macht en Hällekrach,
wil d'Mucke händ ne gschtoche.
Zum Bispil vo dem grosse Fescht
im Fröschequakesummer,
der Has isch Chef, er git sis Bescht,
doch s'Chef si macht em Kummer.
Zum Bispil vo dem grosse Tier,
Milchkue söll schient's heisse,
Flade tuets als Souvenier
ir Weltschicht umschmeisse.

Zum Bispil vo dem Superznacht,
Tomate mit Spagetti,
d'Muzina het si selber gmacht,
für d'Mama Belltrametti.

Comments